Twitter źbiraŭsia kupić Clubhouse
U apošnija miesiacy Twitter vioŭ pieramovy ab kupli sacyjalnaj sietki Slubhouse, paviedamiŭ Bloomberg.
08.04.2021 / 07:46
Baki abmiarkoŭvali košt kampanii ŭ rajonie $4 młrd. Adnak ciapier pieramovy nie viaducca, i pakul niezrazumieła, čamu abmierkavańnie spyniłasia.
U aŭtorak, 6 krasavika, Bloomberg sa spasyłkaj na krynicy paviedamlaŭ, što Clubhouse viadzie pieramovy pa pytańni pryciahnieńnia srodkaŭ, pryčym, pra jakija sumy išła havorka i chto moh by vystupić inviestaram, nie paviedamlałasia.
Clubhouse — maładaja sacyjalnaja sietka, jakaja była zapuščana ŭ 2020 hodzie. Kamunikacyja ŭ joj adbyvajecca praz aŭdyjačaty. Trapić u dadatak možna albo praz zaprašeńnie ad karystalnika sacyjalnaj sietki, albo dačakaŭšysia svajoj čarhi na rehistracyju.
U lutym Clubhouse staŭ trecim dadatkam pa kolkaści zahruzak paśla WhatsApp i Facebook. Da siaredziny sakavika kolkaść zahruzak Clubhouse ŭ śviecie skłała 12,7 młn.