Rasija nie choča abmiarkoŭvać pieranos pieramoŭ pa Danbasie z Minska
08.04.2021 / 18:06
Rasija nie źbirajecca abmiarkoŭvać pytańnie pieranosu placoŭki pieramoŭ kantaktnaj hrupy pa ŭrehulavańni situacyi na Danbasie z Minska. Pra heta zajaviŭ namieśnik kiraŭnika administracyi prezidenta Rasii Dźmitryj Kozak, piša RBK.
«Navat abmiarkoŭvać nie chočam hetyja pytańni. Heta druharadnyja pytańni, techničnyja, i abmiarkoŭvać nie treba. Pieramovy ŭ Minsku nijakaha dačynieńnia da źmiestu samich pieramoŭ, da toj prablemy, ź jakoj sutyknułasia Ukraina, nie majuć», — skazaŭ Kozak.
Namieśnik kiraŭnika administracyi prezidenta Rasii vykazaŭ zdahadku, što Kijeŭ chacieŭ zrabić «hadaść» biełaruskim uładam. «Skazać, što voś, heta niedemakratyčny dziaržava, tamu my ŭ Minsk nahoj nie pajedziem», — skazaŭ jon.
Kozak dadaŭ, što nie razumieje łohiku takoj zajavy ciapier, «kali jašče pytańnie biełaruskaha kryzisu nie prajšło i pandemija nie skončyłasia».