Staršynia Partyi BNF Ryhor Kastusioŭ zatrymany pa kryminalnaj spravie i znachodzicca ŭ SIZA KDB
Pra heta «Našaj Nivie» paviedamiŭ jaho ziać, škłoŭski aktyvist Dźmitryj Antončyk
13.04.2021 / 00:01
Ryhor Kastusioŭ, fota Nadziei Bužan
Ryhora Kastusiova zatrymali ŭviečary 12 krasavika ŭ Škłovie, paśla čaho pavieźli ŭ Minsk. Svajaki daviedalisia pra heta paśla zvanka supracoŭnika KDB. Jon paviedamiŭ dačce Kastusiova, što palityk zatrymany pa kryminalnaj spravie. Potym stała viadoma, što Ryhora Kastusiova zatrymali jak padazravanaha pa artykule 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, albo ŭdzieł u ich).
Čytajcie taksama. Kastusioŭ: Łukašenka prapanoŭvaŭ mnie być jahonym namieśnikam, a Dźmitryjeŭ — $100 tysiač. Vialikaja hutarka
***
Ryhor Kastusioŭ, fota Nadziei Bužan
Ryhor Kastusioŭ naradziŭsia ŭ 1957 hodzie ŭ Białynickim rajonie, skončyŭ Biełaruskuju dziaržaŭnuju sielskahaspadarčuju akademiju.
Pracavaŭ hałoŭnym inžynieram saŭhasa «Druć» Białynickaha rajona (1983—1988), dyrektaram saŭhasa «Iskra» Białynickaha rajona (1988—1991), dyrektaram Škłoŭskaha rajonnaha abjadnańnia žyllova-kamunalnaj haspadarki (1995—2001).
Kandydat ŭ prezidenty ad Partyi BNF na prezidenckich vybarach 2010 hoda.
U 2017 byŭ abrany staršynioj Partyi BNF.
Žanaty, maje traich dziaciej. Žyvie ŭ Škłovie.