Cana nafty Brent pieravysiła $65
Cana fjučarsa na naftu marki Brent z pastaŭkaj u červieni 2021 hoda na łondanskaj biržy ICE dasiahnuła $65,1 za baral, śviedčać źviestki handlovaj placoŭki.
14.04.2021 / 16:41
Kaciroŭki rastuć na fonie krasavickaj spravazdačy Mižnarodnaha enierhietyčnaha ahienctva (MEA), u jakoj arhanizacyja ŭśled za APIEK palepšyła prahnoz rostu popytu na naftu ŭ 2021 h. da 5,7 młn baralaŭ u sutki, čamu spryjajuć stanoŭčyja makraekanamičnyja prahnozy, adznačaje TASS. Takim čynam, MEA pavysiła svaju acenku rostu popytu na 230 tys. barelaŭ u sutki ŭ paraŭnańni z sakavickaj. Ciapier čakajecca, što popyt na naftu ŭ śviecie ŭ 2021 hodzie dasiahnie 96,7 młn barelaŭ u dzień. Pry hetym u MEA adznačyli, što adnaŭleńnie popytu ŭsio jašče zastajecca niapeŭnym na fonie taho, što kolkaść infikavanych karanavirusam u krainach — spažyŭcach nafty raście.