Adbyŭšy pakarańnie za zabojstva maci, dačka zabiła i baćku
U Mahiloŭskaj vobłaści rasśledujuć zabojstva piensijaniera, u jakim abvinavačvajecca jaho dačka, piša Interfaks sa spasyłkaj na Śledčy kamitet.
15.04.2021 / 20:46
U dačynieńni da 31-hadovaj žycharki vioski Stoŭpišča Kiraŭskaha rajona raspačataja kryminalnaja sprava pa artykule KK «Zabojstva zaviedama sastarełaj asoby, z asablivaj žorstkaściu», prainfarmavali va USK pa Mahiloŭskaj vobłaści.
Fota: SK
Zabojstva adbyłosia ŭviečary 10 krasavika. Žančyna ŭ niećviarozym stanie padčas svarki pačała źbivać 74-hadovaha baćku. Biła rukami, siakieraj, inšymi pradmietami. Ad atrymanych cialesnych paškodžańniaŭ piensijanier pamior na miescy.
Fota: SK
Pavodle infarmacyi SK, raniej achviaraj fihurantki stała i jaje maci (pryładaj złačynstva taksama była siakiera). Za toje złačynstva žančyna była asudžanaja na 9 hadoŭ pazbaŭleńnia voli.