Siaredni syn Łukašenki začapiŭ supierniku kluškaj pamiž noh — i byŭ vydaleny da kanca matča. Baćka za hetym naziraŭ

15 krasavika ŭ čempijanacie Minska pa chakiei siarod amatarskich kamand sustrakalisia biezumoŭnyja lidary druhoj lihi. Supraćstajańnie «Bastyjona» i «Ščyta» charakterna navat nie tym, što ŭ minułym siezonie jany hulali ŭ finale płej-of treciaha dyvizijona adzin suprać adnaho (pieramoh «Ščyt»), a najaŭnaściu ŭ abiedźviuch kamandach synoŭ Alaksandra Łukašenki

16.04.2021 / 14:46

Za «Bastyjon» hulajuć Viktar i Mikałaj, za «Ščyt» — Dźmitryj (usie troje ŭziali ŭdzieł i ŭ čacviarhovym matčy). Vočnaje supraćstajańnie skončyłasia pieramohaj «Bastyjona» z likam 2:0 — dla jaho heta 26-ja viktoryja ŭ 26 pajadynkach rehularnaha čempijanatu.

Ale samym jarkim epizodam hulni stali nie zabityja šajby, a vielmi brudnaja hulnia Dźmitryja Łukašenki. U siaredzinie pieršaha pieryjadu jon spačatku začapiŭ supiernika kluškaj pamiž noh, a potym jašče i pavaliŭ jaho.

Za heta ad suddzi nastupili samyja žorstkija sankcyi — kamanda na piać chvilin zastałasia ŭ mienšaści, a Dźmitryj Łukašenka byŭ vydaleny da kanca matču.

Paciarpieły — im akazaŭsia łajnśmien Ekstralihi Dźmitryj Čyžeŭski, najlepšy bambardzir amatarskaha D2 na hety momant z 75 bałami ŭ 26 matčach — pakinuŭ placoŭku tolki z dapamohaj partnioraŭ.

Scena razharnułasia na vačach u Łukašenki-baćki, jaki pryjechaŭ na pajadynak.