Advakatu Illi Saleju źmianili mieru strymańnia. Ciapier jon moža vychodzić na vulicu

Z 16 krasavika jurystu štaba Babaryki i advakatu źmianili mieru strymańnia z chatniaha aryštu na zakład. Illa zastajecca ŭ statusie abvinavačanaha pa artykule 361 Kryminalnaha kodeksa i abaviazany źjaŭlacca pa vykliku śledčych orhanaŭ i suda, paviedamlaje štab Babaryki.

16.04.2021 / 15:52

Fota štaba Babaryki

Illa moža svabodna pierasoŭvacca pa krainie i pracavać. Nahadajem, doŭhija miesiacy juryst štaba znachodziŭsia ŭ svajoj kvatery biez prava na kamunikacyju i prahułki.

Bačycca Illa moh tolki sa svaim advakatam, jaki prynosiŭ jamu pradukty i vynosiŭ śmiećcie.

Illu Saleja zatrymali 9 vieraśnia pa «spravie Kaardynacyjnaj rady» razam z druhim advakatam — Maksimam Znakam. Paśla sustrečy Alaksandra Łukašenki ŭ SIZA KDB z palitviaźniami Saleju źmianili mieru ŭtrymańnia: 17 kastryčnika stała viadoma, što jon pieraviedzieny pad chatni aryšt. Pad im jon pravioŭ paŭhoda.