Studenta chimfaka BDU zatrymali za «stvareńnie ekstremisckaha farmiravańnia»
Arciom Bajarski nie vyjšaŭ paśla 25-sutkavaha aryštu, siońnia stała viadoma, što jon prachodzić pa kryminalnaj spravie, paviedamlajuć pravaabaroncy.
16.04.2021 / 19:16
24 sakavika ŭ internacie BDU zatrymali 20-hadovaha studenta Arcioma Bajarskaha. U studenckich čatach abmiarkoŭvalisia abstaviny zatrymańnia chłopca: «Susiedziaŭ — na padłohu i ŭ kajdanki, ale zabrali tolki Arcioma». Sud nad Arciomam prajšoŭ u Domie Pravasudździa, dzie jaho pakarali 25-sutačnym aryštam.
Raniej Arcioma Bajarskaha ŭžo aryštoŭvali na 15 sutak za ŭdzieł u masavym mierapryjemstvie, tamu, mahčyma, jon moh trapić pad «začystku» pierad Dniom Voli.
Studenta pavinny byli vyzvalić 18 krasavika, ale siońnia stała viadoma, što Arcioma zatrymali ŭ miežach artykuła 361-1 Kryminalnaha kodeksa («Stvareńnie ekstremisckaha farmiravańnia»). Ciapier jaho ŭtrymlivajuć u IČU.