Zaćvierdžany novy farmat futbolnaj ŁČ. Adna liha z 36 kamand zamiest padziełu na hrupy
Členy vykankama UEFA adnahałosna prahałasavali za źmianieńnie farmatu Lihi čempijonaŭ, paviedamlaje žurnalist The New York Times Taryk Pandža na svajoj staroncy ŭ Twitter 19 krasavika, piša Sport-Ekspres.
19.04.2021 / 14:03
twitter.com
Pavodle źviestak krynicy, ź siezona-2024/25 hoda ŭ rozyhryšy turniru buduć udzielničać nie 32, a 36 kamand.
Novy farmat praduhledžvaje adnu lihu zamiest padziełu na hrupy. Minimum padčas turniru kožnaja z kamand praviadzie pa 10 matčaŭ [pa šviejcarskaj sistemie]. Zatym vosiem lepšych paspračajucca za trafiej u farmacie płej-of.
Raniej ŚMI paviedamlali, što členy vykankama UEFA, akramia pavieličeńnia kolkaści ŭdzielnikaŭ, abmiarkoŭvajuć pytańnie pradastaŭleńnia wild card niekatorym kłubam, što dazvolić im hulać u Lizie čempijonaŭ biez vykanańnia ŭmoŭ adboru pa spartyŭnym pryncypie.
Siońnia taksama stała viadoma, što viadučyja kłuby Jeŭropy stvorać Supierlihu ŭ piku ŁČ.