Advakat: Navalny znachodzicca ŭ adzinočnaj kamiery balnicy dla suchotnikaŭ, usio lačeńnie — kropielnica z hlukozaj

Alaksiej Navalny znachodzicca ŭ adzinočnaj kamiery suchotnaj balnicy ŭ kałonii № 3 va Uładzimirskaj vobłaści. Ab hetym paviedamiŭ advakat palityka Vadzim Kobzieŭ, piša meduza.io

20.04.2021 / 17:05

Kobzieŭ raspavioŭ, što ŭviečary 18 krasavika, u dzień špitalizacyi, Navalnamu «z čaćviortaha razu zrabili kropielnicu z hlukozaj».

Pa słovach Kobzieva, uviečary 19 krasavika «try miedsiastry raspačali šeść sprobaŭ zrabić jašče adnu kropielnicu, ale tak i nie zmahli trapić u vienu». Ciapier, zajaviŭ advakat, u Navalnaha «ŭsie ruki skołaty i ŭ siniakach».

Inšaha lačeńnia, jak raspavioŭ Kobzieŭ, Navalnamu nie pryznačyli.

Alaksiej Navalny niekalki tydniaŭ skardzicca na boli ŭ śpinie i nahach. Z 31 sakavika jon trymaje haładoŭku, patrabujučy dapuścić da jaho niezaležnych daktaroŭ. Daktary 15 krasavika paviedamili pra «rezka admoŭnuju» dynamiku analizaŭ palityka, jakaja, na ich dumku, moža pryvieści da nyračnaj niedastatkovaści i ciažkich patałohij sardečna-sasudzistaj sistemy.

Navalny byŭ aryštavany 17 studzienia, kali prylacieŭ ź Bierlina ŭ Maskvu. U Niamieččynie jon lačyŭsia paśla atručvańnia jadam kłasa «Navičok». Jamu dali realny termin zamiest umoŭnaha pa spravie «Iŭ Raše» 2013 hoda.