U žurnalistaŭ miedyjakampanii «Ranak» u Śvietłahorsku prajšli pieratrusy

Ranicaj 21 krasavika da rabotnikaŭ śvietłahorskaj miedyjakampanii «Ranak» Uładzimira Papova i Andreja Lipskaha pryjšli dachaty ź pieratrusami supracoŭniki pravaachoŭnych orhanaŭ. Prykładna ŭ hety ž čas supracoŭniki siłavych struktur pryjšli ŭ ofis miedyjakampanii.

22.04.2021 / 16:26

Pa vynikach pieratrusaŭ kanfiskavana kampjutarnaja technika, paviedamlaje BAŽ.

Dziejańni pravodzilisia ŭ miežach kryminalnaj spravy, zaviedzienaj raniej.

U žniŭni žurnalisty vykazali svajo staŭleńnie da situacyi ŭ krainie, aśviatlali pratesnuju aktyŭnaść u Śvietłahorsku. U vieraśni ŭ redakcyju pryjšli supracoŭniki DFR, kanfiskavali dakumienty i pačali pravierku.

Zasnavalnik kampanii Ihar Kašlikaŭ ź mierkavańniaŭ biaśpieki vymušany byŭ pakinuć Biełaruś. Pa vynikach pravierki, jakaja praciahvałasia paŭhoda, była zaviedzienaja kryminalnaja sprava pavodle artykuła ab niaspłacie padatkaŭ. Kampanija asprečvaje vyniki pravierki va ŭstanoŭlenym zakonam paradku.

Zaraz miedyjakampanija «Ranak» pracuje ŭ zvyčajnym režymie.