Sanepidsłužba ŭsio jašče nie rekamienduje minčanam pić vadu z krana
22.04.2021 / 20:27
Sanitarna-epidemijałahičnaja słužba Minska siońnia, 22 krasavika, zrabiła adbor prob pitnoj vady na rajonnych pavyšalnych pompavych stancyjach i 53 sacyjalna-značnych abjektach Zavodskaha, Leninskaha i Kastryčnickaha rajonaŭ. Pra heta infarmuje Telegram-kanał «Minsk. Aficyjna».
— Zhodna z vynikami łabaratornych daśledavańniaŭ, proby vady na niekalkich abjektach nie adpaviadali normam pa pakazčyku «mutnaść» i kolkaści žaleza. Uličvajučy atrymanyja vyniki daśledavańniaŭ, rekamiendujem vykarystoŭvać ŭ pitnych metach butylavanuju albo pryvaznuju vadu. Kantrol jakaści pitnoj vady, jakaja padajecca nasielnictvu Zavodskaha, Leninskaha i Kastryčnickaha rajonaŭ Minska, praciahvajecca, — adznačyli ŭ sanepidsłužbie horada.