U Kramianiovaj daliny źjaŭlajecca novy kankurent: Techas
Techas čarhovy raz sprabuje stać technałahičnym centram ZŠA.
26.04.2021 / 19:39
Fota Depositphotos.com
U 1970-ch hadach horad Ościn, stalica štata Techas, moh stać technałahičnym centram ZŠA, ale dasiahnuć pośpiechu Kramianiovaj daliny tak i nie ŭdałosia. Horadu brakavała talenavitych raspracoŭščykaŭ, bujnych pracadaŭcaŭ i vienčurnaha kapitału.
Adnak infrastrukturnaja dehradacyja haradoŭ Kramianiovaj daliny i mienšyja padatki ŭ Techasie pabudzili niekatoryja technałahičnyja kampanii, a razam ź imi i mnohich inviestaraŭ pierajechać z Kalifornii ŭ Techas. Siarod ich kampanii Iłana Maska Tesla i SpaceX, jakija ciapier układvajuć vializnyja inviestycyi ŭ hety rajon, a sam Iłan Mask zajaviŭ, što pierajazdžaje z Kalifornii ŭ Techas. Karparacyja Oracle i nievialikaja kolkaść vienčurnych kapitalistaŭ taksama pajšli na hety krok.
Ale kali Ościn źbirajecca stać centram prahramnaha zabieśpiačeńnia i startapaŭ nakštałt Sietła abo San-Francyska, hetaha ŭsio roŭna niedastatkova. Kab zamacavać hetu tendencyju, kiraŭnictvu Techasa nieabchodna zabaranić prymusovaje vykanańnie niekankurentnych pahadnieńniaŭ, piša vydańnie Bloomberg.
Niekankurentnyja pahadnieńni abmiažoŭvać supracoŭnika ŭ pierachodzie z adnoj technałahičnaj kampanii ŭ inšuju. Takija pahadnieńni padpisvajucca z metaj, kab idei adnoj kampanii nie prasočvalisia ŭ inšyja.
Adnak praduchileńnie raspaŭsiudžvańnia hetych idej nanosić škodu ŭsioj ekanomicy rehijonu. Vielmi časta najaŭnaść adnaho i taho ž supracoŭnika ŭ roznych kampanijach dapamahaje kampanijam dasiahnuć vialikaha pośpiechu. Adnu i tuju ž ideju možna kambinavać pa-roznamu i tym samym stvarać novyja technałohii i pradukty.
Naprykład, kampanija Fairchild Semiconductor stvaryła šmat daččynych kampanij, jakija i zakłali asnovu dla Kramianiovaj daliny. Adnak heta było b niemahčyma, kab Kalifornii dazvoliła prymusovaje vykanańnie niekankurentnych pahadnieńniaŭ. Ekśpierty miarkujuć, što jakraz admova Kalifornii prytrymlivacca takich pahadnieńniaŭ paspryjała tamu, što Kramianiovaja dalina stała technałahičnym centram ZŠA.
Mienavita tamu Techasu nieabchodna źmianić zakanadaŭstva, kab pavialičyć svaju kankurentazdolnaść pierad Kalifornijaj. Chutčej za ŭsio, novy zakon sutykniecca z supracivam z boku bujnych kampanij, adnak taja nievialikaja vyhada, jakuju jany atrymlivajuć ad niekankurentnych pahadnieńniaŭ, škodzić ekanomicy usiaho Ościna. Niekankurentnyja pahadnieńni — heta abmiežavańnie svabody pieramiaščeńnia pracoŭnaj siły, što ŭ vyniku razburaje rynak. A rynak, u svaju čarhu, važniejšy za pryvilehii peŭnaj kampanii.