U Miadzielskim rajonie 12-hadovy chłopčyk vynies z pažaru dvuchhadovaha brata. Sam jon mocna abhareŭ i znachodzicca ŭ ciažkim stanie

Zdareńnie adbyłosia ŭ vioscy Sidarovičy viečaram u sieradu. Tam zaharełasia chata.

29.04.2021 / 10:07

112.by

U momant zaharańnia ŭ joj znachodzilisia dvoje dziaciej: 12-hadovy i 2-hadovy chłopčyki. Jašče adno dzicia było ŭ susiedziaŭ, a baćkoŭ doma nie było, paviedamlaje 112.by.

Da prybyćcia ratavalnikaŭ 12-hadovy padletak vyratavaŭ brata. Adzin ź vidavočcaŭ, padbiehšy da doma, ubačyŭ, jak chłopčyk trymaŭ na rukach dzicio.

Na tvary i rukach u starejšaha, akramia apiokaŭ, byli parezy, a vokny ŭ domie byli raźbityja. Vidavočca zabraŭ z ruk chłopčyka jahonaha brata, paśla čaho toj straciŭ prytomnaść.

Bryhada chutkaj dapamohi dastaviła padletka z apiokami roznaj stupieni ciažkaści i parezami ruk i tvaru ŭ balnicu. Stan vielmi ciažki.

Pažar likvidavali ratavalniki. U vyniku ahniom źniščany dach, majomaść, paškodžany ścieny.