Мінздароўя: За суткі 1505 выпадкаў каранавіруса

Мінздароўя паведамляе, што за суткі зарэгістравалі 1505 выпадкаў каранавіруса, а выпісаныя 1459 чалавек.

30.04.2021 / 15:48

Учора было 1309 выпадкаў, пазаўчора — 1255.

З пачатку пандэміі зарэгістраваныя 358 738 чалавек са станоўчым тэстам на кавід. Выздаравелі 349 013 пацыентаў.

За ўвесь час памерлі 2542 чалавекі.

За мінулыя суткі выканалі 17 919 тэстаў (за ўвесь час — 5 850 328).

Па стане на 30 красавіка 291,5 тысяч чалавек атрымалі першую дозу вакцыны, 111,4 тысяч прайшлі поўны курс вакцынацыі.