Pravaabaroncy pryznali palitviaźniem studenta Arcioma Bajarskaha. U Biełarusi takich užo 370
18 krasavika paśla adbyćcia 25 sutak administracyjnaha aryštu za ŭdzieł u mirnym schodzie supracoŭnikami MUS byŭ zatrymany student BDU Arciom Bajarski. Na jaho zaviali kryminalnuju spravu i vystavili abvinavačvańni pa č. 1 art. 361-1 KK (Stvareńnie ekstremisckaha farmavańnia). Arciom byŭ źmieščany pad vartu ŭ SIZA №1.
06.05.2021 / 19:39
Arciom zajaviŭ svajmu advakatu ab tym, što 24 sakavika jon byŭ nibyta padvierhnuty katavańniam z boku supracoŭnikaŭ MUS.
Pravaabaroncy pryznali jaho palityčnym viaźniem. Ciapier takich ludziej u Biełarusi 370.
Nahadajem, 24 sakavika ŭ internacie BDU zatrymali 20-hadovaha studenta Arcioma Bajarskaha. U studenckich čatach abmiarkoŭvalisia abstaviny zatrymańnia chłopca: «Susiedziaŭ — na padłohu i ŭ kajdanki, ale zabrali tolki Arcioma». Sud nad Arciomam prajšoŭ u Domie Pravasudździa, dzie jaho pakarali 25-sutačnym aryštam.
Raniej Arcioma Bajarskaha ŭžo aryštoŭvali na 15 sutak za ŭdzieł u masavym mierapryjemstvie, tamu, mahčyma, jon moh trapić pad «začystku» pierad Dniom Voli.