Cichanoŭskaja pryznačyła Siarhieja Zikrackaha pradstaŭnikom pa pravavych pytańniach
Jon budzie pracavać nad reformaj miechanizmaŭ abarony pravoŭ biełarusaŭ.
12.05.2021 / 09:20
Siarhiej Zikracki — viadomy advakat. Śpiecyjalizavaŭsia na jurydyčnaj dapamozie biełaruskamu biznesu, miedyja i IT-kampanijam. U 2020-2021 abaraniaŭ na pracesach «Našu Nivu», Tut.by žurnalistku «Biełsat» Kaciarynu Andrejevu, prahramnaha dyrektara Pres-kłuba Ału Šarko, byŭ adnym z abaroncaŭ Maksima Znaka. U sakaviku jaho vyklučyli z kalehii advakataŭ, jon pierajechaŭ u Vilniu.
U jakaści pradstaŭnika Cichanoŭskaj pa pravavych pytańniach Siarhiej Zikracki budzie pracavać nad reformaj miechanizmaŭ abarony pravoŭ biełarusaŭ, kaardynavać pracu pa ŭniviersalnaj jurysdykcyi, mižnarodnaj płatformie pa adkaznaści (Dignity), pazovach u zamiežnych dziaržavach suprać pradstaŭnikoŭ režymu.
«Upeŭnieny, što amal kožny biełarus za apošni hod adčuŭ na sabie nastupstvy pravavoha defołtu. Ja jak advakat sutykaŭsia z hetym kožny dzień. Moj kaleha, Maksim Znak, jaki akazvaŭ jurydyčnuju dapamohu Śviatłanie Cichanoŭskaj raniej, prosta zaraz znachodzicca za kratami. Za kratami pa palityčnych matyvach znachodziacca i sotni inšych ludziej. Pierad nami staić zadača abaraniać pravy biełarusaŭ na mižnarodnym uzroŭni i padrychtavać kancepcyju reformy zakanadaŭstva ŭ samych roznych śfierach, kab ukaranić ich u novaj Biełarusi», — skazaŭ Siarhiej Zikracki.