Paleścina: Kolkaść zahinułych pry izrailskich atakach u Siektary Haza pieravysiła 100 čałaviek
Kolkaść zahinułych u vyniku izrailskich avijanalotaŭ na Siektar Haza i abstrełaŭ vyrasła da 115 čałaviek, ranieńni atrymali 600, paviedamlaje telekanał Al Arabiya sa spasyłkaj na źviestki Ministerstva achovy zdaroŭja paleścinskaj terytoryi.
14.05.2021 / 09:44
Pavodle Al Arabiya, siarod 115 zahinułych — 27 dziaciej i 11 žančyn. Na sajcie samoha paleścinskaha Ministerstva achovy zdaroŭja havorycca, što ŭ vyniku napadaŭ z boku Izraila zahinuli 109 čałaviek, paciarpieŭ 621.
Izrail 13 maja paviedamiŭ ab siami zahinułych sa svajho boku.
Usiaho z pačatku abvastreńnia situacyi pa Izraili było vypuščana zvyš 1,6 tysiačy rakiet, častka ź jakich upali, častka — byli pierachoplenyja sistemaj SPA «Žalezny ščyt».