У спіс недружалюбных Расіі краін трапілі толькі дзве дзяржавы
Расійскія ўлады апублікавалі спіс замежных дзяржаў, якія здзяйсняюць недружалюбныя дзеянні ў дачыненні да Расіі.
14.05.2021 / 18:36
Wikimedia Commons
Урад РФ апублікаваў пералік замежных дзяржаў, якія здзяйсняюць недружалюбныя дзеянні ў дачыненні да Расіі. Дакумент апублікавалі на партале прававой інфармацыі, піша РБК.
«Зацвердзіць прыкладзены пералік замежных дзяржаў, якія ажыццяўляюць недружалюбныя дзеянні ў дачыненні да Расійскай Федэрацыі, грамадзян Расійскай Федэрацыі або расійскіх юрыдычных асоб», — гаворыцца ў дакуменце.
У спісе пазначаны толькі дзве дзяржавы — ЗША і Чэхія.
Згодна з дакументам, Чэхія можа заключаць працоўныя дамовы толькі з 19 фізічнымі асобамі ў Расіі, ЗША — ні з кім.