Va Ukrainie dapuścili abmien «kuma Pucina» na asudžanych u Rasii ŭkraincaŭ

Ułady Ukrainy dapuskajuć mahčymaść abvinavačanaha ŭ dziaržaŭnaj zdradzie palityka Viktara Miedviedčuka na asudžanych u Rasii ŭkraincaŭ.

15.05.2021 / 13:16

Pra heta ŭ efiry pieradačy «Svaboda słova» zajaviŭ sakratar Rady nacyjanalnaj biaśpieki i abarony Ukrainy Alaksiej Daniłaŭ, piša meduza.io

Padčas pieradačy Daniłava spytali, «ci mahčymy abmien narodnaha deputata Viktara Miedviedčuka na ŭkrainskich patryjotaŭ, jakich utrymlivajuć u rasiejskich turmach» u vypadku, kali Miedviedčuku vyniesuć prysud. «Ja dumaju, što kali budzie takaja mahčymaść, my achvotna heta zrobim», — adkazaŭ čynoŭnik.

Pry hetym Daniłaŭ padkreśliŭ, što rašeńnie ab abmienie prymaje prezident Ukrainy.