Ад Антарктыды адкалоўся самы вялікі айсберг. Яго плошча з Барысаўскі і Смалявіцкі раён разам узятыя
Айсберг А-76, на сёння найбуйнейшы ў свеце, адкалоўся ад Антарктыды.
19.05.2021 / 12:39
Пра гэта са спасылкай на звесткі спадарожнікаў паведамляе партал Meteoweb, піша lenta.ru.
Вядома, што памеры гіганцкай крыгі складаюць 170 кіламетраў у даўжыню і 25 кіламетраў у шырыню, яе плошча дасягае 4320 квадратных кіламетраў, што сумерна з тэрыторый іспанскай выспы Маёрка або Барысаўскага і Смалявіцкага раёнаў разам узятых (4 382 квадратныя кіламетры)
Адзначаецца, што А-76 адкалоўся з заходняга боку шэльфавага ледніка Фільхнера — Роне ў моры Уэдэла. Айсберг быў ідэнтыфікаваны Брытанскай антарктычнай службай і пацверджаны Нацыянальным Лядовым цэнтрам ЗША з выкарыстаннем малюнкаў місіі Copernicus Sentinel-1.