U Žodzinie dzicia zachrasła ŭ pralnaj mašynie. Ratavalniki vyzvalili chłopčyka bieź śpiecyjalnaha instrumienta
U Žodzinie dapamoha ratavalnikaŭ spatrebiłasia dziciaci, čyja naha zachrasła ŭ barabanie pralnaj mašyny, paviedamili ŭ pres-słužbie MNS.
19.05.2021 / 18:03
Incydent zdaryŭsia ŭviečary 18 maja. Pa dapamohu źviarnułasia mama dziciaci. Kali ratavalniki i miedyki prybyli na miesca, naha dziciaci znachodziłasia ŭ zabłakavanym stanoviščy ŭžo kala 20 chvilin.
— Chłopčyk niervavaŭsia, ale nie panikavaŭ. Hutaryli ź im, akazvajučy psichałahičnuju dapamohu, — raspavioŭ načalnik pažarnaha avaryjna-vyratavalnaha pasta №13 staršy lejtenant unutranaj słužby Siarhiej Fiodaraŭ. — Dla taho kab źniać napružańnie z nahi, my prypadniali jaho nad padłohaj. U takim stanoviščy kalena zmahło prasunucca hłybiej i dazvolić nam padcisnuć stupniu, što, u svaju čarhu, dało chod nazie.
Dzicia vyzvalili biez prymianieńnia śpiecyjalnych srodkaŭ. Miedycynskaja dapamoha nie spatrebiłasia.