U Baranavičach raźvitvajucca ź lotčykami, što zahinuli pry krušeńni samalota
20.05.2021 / 17:26
U Baranavičach na aeradromie 61-j avijabazy prachodzić žałobnaja cyrymonija raźvitańnia z zahinułymi lotčykami Andrejem Ničyporčykam i Mikitam Kukanienkam.
Z Baranavič cieły lotčykaŭ buduć dastaŭleny samalotam u Lidu.
Ušanavać pamiać piłotaŭ, jakija 19 maja adviali samalot pry padzieńni ad žyłych damoŭ, sabralisia vajskoŭcy 61-j avijabazy, staršynia Baranavickaha harvykankama Juryj Hramakoŭski, pradstaŭniki kiraŭnictva horada.
Sotni haradžan u pamiać pra majora Andreja Ničyporčyka i lejtenanta Mikitu Kukanienku zapalvali śviečki i łampadki, prynosili kvietki.