Buzava, Siaroha i Alachno: na BT nazvali imiony viadučych biełaruskaha Ch-faktara
U akaŭntach BT apublikavanyja imiony viadučych biełaruskaha Ch-faktara. Nahadajem, X-faktar — papularnaja muzyčnaja mižnarodnaja franšyza. Prahrama stała vielmi papularnaj u susiednich krainach. Sam farmat davoli stary, u Brytanii pieradača vychodzić užo 17 hadoŭ, z 2004 hoda, a BT zapuskaje svoj X-faktar tolki ŭ 2021 hodzie.
20.05.2021 / 20:22
Na BT nazvali imiony viadučych šou.
Siarod ich repier Siaroha, muzyčny žurnalist Siarhiej Sasiedaŭ (abodva byli viadučymi ŭkrainskaha Ch-faktara), śpiavak Rusłan Alachno, a taksama rasijskaja «emacyjnaja dziva» (jak jaje nazyvaje BT) Volha Buzava.
«Ščyraści, sile charaktaru, prabivalnaści i pry hetym žanočaj piaščocie možna tolki pazajzdrościć! Jaje padtrymka, luboŭ i viera ŭ svaju maru dapamohuć razhledzieć taho samaha, kaho my nazaviom sapraŭdnym X-faktaram prajekta!» — piša BT pra hetuju rasijanku.