У Беларусі заблакавалі Sports.ru — самы папулярны расійскі спартыўны сайт
Яго заснавальнік — беларус Дзмітрый Навоша, які падтрымаў рух за дэмакратычныя перамены. У жніўні 2020-га ён далучыўся да стварэння фонду салідарнасці, які дапамагаў беларусам, што страцілі працу праз пратэсты.
22.05.2021 / 08:54
Міністэрства інфармацыі заявіла, што блакаванне звязана з парушэннем заканадаўства аб азартных гульнях і ўведзена на запыт падатковых органаў.
Сёлета ў лютым уласнікам Sports.ru стаў інвестыцыйны фонд заснавальніка касметычнай кампаніі Faberlic бізнэсоўца Аляксея Нячаева, які апошнім часам пазіцыянуе сябе як лідара расійскай партыі «Новыя людзі».