Bajden budzie abmiarkoŭvać z Pucinym Biełaruś. Pieršy taki vypadak u historyi
Prezident ZŠA Džo Bajden abmiarkuje vymušanuju pasadku samalota Ryanair u Biełarusi i zatrymańnie Pratasieviča padčas samitu z prezidentam Rasii Uładzimiram Pucinym u nastupnym miesiacy, paviedamiła ŭ aŭtorak pres-sakratarka Biełaha doma Džen Psaki, piša Reuters.
25.05.2021 / 21:08
Psaki zajaviła, što Bajden taksama płanuje abmierkavać Ukrainu padčas samitu.
«Prezident Złučanych Štataŭ nie baicca supraćstajać našym supiernikam i vykarystoŭvaje momant asabistaj dypłamatyi, kab vyznačyć pytańni, jakija vyklikajuć zaniepakojenaść, i šukać mahčymaści dla sumiesnaj pracy ŭ tych halinach, dzie ŭ nas jość uzajemnaja zhoda», — patłumačyła pres-sakratarka prezidenta ZŠA.
Heta pieršy vypadak u historyi, kali prezident ZŠA budzie padymać pytańnie Biełarusi na pieramovach z prezidentam Rasii. Budučy vice-prezidentam ZŠA padčas prezidenctva Abamy, Bajden adnojčy nazvaŭ Biełaruś «pratektaratam» Rasii. Heta było amal 12 hadoŭ tamu.