Адменены матч у Мінску, дзе павінны былі згуляць зоркі беларускага і еўрапейскага футбола
Матч да 110-годдзя беларускага футбола з удзелам вядомых беларускіх і еўрапейскіх гульцоў, які павінен быў адбыцца на стадыёне «Дынама» 5 чэрвеня, перанесены на нявызначаны тэрмін.
27.05.2021 / 10:50
Фота Надзеі Бужан
Пра прычыны такога рашэння не паведамляецца
«Далейшая інфармацыя па матчы будзе апублікаваная пазней», — гаворыцца ў паведамленні АБФФ.
Раней паведамлялася, што гэта ўсё ж павінны быў быць развітальны матч Аляксандра Глеба, які выступаў у «Арсенале», «Барселоне», БАТЭ і іншых камандах.
Пазней стала вядома, што Чэх Томаш Росіцкі, які першапачаткова пагадзіўся прыляцець у Беларусь, ужо перадумаў. Да аналагічнага рашэння прыйшоў літовец Эдгарас Янкаўскас.