Суд адхіліў скаргу на затрыманне Сафіі Сапегі
28 мая суд Партызанскага раёна Мінска не задаволіў скаргу адваката на затрыманне грамадзянкі Расіі Сафіі Сапегі.
28.05.2021 / 13:50
Сафію затрымалі 23 мая разам з Раманам Пратасевічам. Яны ляцелі рэйсам Ryanair Афіны — Вільня, які быў пасаджаны ў Мінску.
Сафія Сапега затрыманая з-за падазрэнняў у здзяйсненні злачынстваў у жніўні-верасні 2020 года. Затым стала вядома, што ёй выставілі падазрэнне ў злачынстве па частцы 3 артыкула 130 КК Беларусі (Распальванне расавай, нацыянальнай, рэлігійнай альбо іншай сацыяльнай варожасці), якая прадугледжвае да 12 гадоў пазбаўлення волі.