«Na złodzieju i šapka haryć». Na BT adkazali Jeŭrapiejskamu viaščalnamu sajuzu
U Biełteleradyjokampanii zajavili, što nie atrymlivali nijakich apaviaščeńniaŭ ad Jeŭrapiejskaha viaščalnaha sajuza z nahody mahčymaha vyklučeńnia ź JeVS.
28.05.2021 / 21:49
Pikiet kala BT u žniŭni 2020 hoda.
— My aficyjna nie atrymlivali nijakich apaviaščeńniaŭ ad JeVS, choć z tekstam, raźmieščanym na sajcie, znajomyja, — skazali ŭ kampanii.
Tam padkreślili, što hatovyja adkazać na lubyja pytańni JeVS, i dadali, što nijakich padstaŭ dla vystaŭleńnia abvinavačańniaŭ u adras Biełteleradyjokampanii niama.
— My ničoha nie pakazvajem takoha, što nie pakazvali b inšyja viaščalniki JeVS, i heta viadoma ŭsim. Prosta kahości ŭ Jeŭropie, padobna, pałochajuć pryznańni zatrymanych asob, videa jakich było raźmieščana ŭ internecie i jakija paźniej vykarystoŭvali my. Na hety kont jość vydatnaja prykazka: na złodzieju i šapka haryć. Spadziajusia, JeVS nie pojdzie na povadzie ŭ takich asob i pasprabuje razabracca ŭ pytańni, — havorycca ŭ zajavie.