Макей і Лаўроў сустрэнуцца ў Маскве адразу пасля перамоў Пуціна і Байдэна

Уладзімір Макей 17-18 чэрвеня наведае Маскву з рабочым візітам, падчас паездкі запланаваныя перамовы з кіраўніком МЗС Расіі Сяргеем Лаўровым.

10.06.2021 / 15:55

БелТА

Пра гэта паведаміла ў чацвер на брыфінгу афіцыйны прадстаўнік МЗС РФ Марыя Захарава, піша ТАСС.

«17-18 чэрвеня па запрашэнні міністра замежных спраў Расіі Сяргея Лаўрова Маскву з рабочым візітам наведае міністр замежных спраў Рэспублікі Беларусь. Праграмай знаходжання прадугледжаны перамовы кіраўнікоў знешнепалітычных ведамстваў дзвюх краін, якія разгледзяць шырокае кола актуальных пытанняў двухбаковага супрацоўніцтва і міжнароднага парадку дня», — паведаміла яна.