Dziuba: My niadrenna pačali, ale durnaja pamyłka ŭsio źmianiła
Napadajučy zbornaj Rasii nazvaŭ pryčyny razhromnaj parazy ŭ matčy z Bielhijaj.
13.06.2021 / 09:23
Arciom Dziuba adznačyŭ drennuju hulniu kamandy ŭ abaronie ŭ matčy pieršaha tura hrupavoha raŭnda čempijanatu Jeŭropy pa futbole z Bielhijaj (0:3), jaki prajšoŭ u subotu ŭ Sankt-Pieciarburhu.
«Łukaku (napadajučy zbornaj Bielhii, jaki zabiŭ dva miačy — RBK), vierahodna, byŭ šakavany, ubačyŭšy, jak my abaraniajemsia. My drenna abaranialisia. Takija dobryja kamandy, jak Bielhija, nie darujuć pamyłak», — cytuje Dziubu pres-słužba Sajuza jeŭrapiejskich futbolnych asacyjacyj.
«My niadrenna pačali i dumali, što možam spakojna zhulać z Bielhijaj uničyju, — dadaŭ jon. — Ale potym durnaja pamyłka ŭsio źmianiła, i było nadzvyčaj składana viarnucca ŭ hulniu suprać takoha mocnaha supiernika».