Kiraŭnica litoŭskaha ŭrada: Patok nielehalnych mihrantaŭ z terytoryi Biełarusi dasiahnuŭ histaryčnaha maksimumu
Pra heta Inhryde Šymanicie zajaviła na sustrečy z aŭstryjskim kancleram. Jana zaklikała nieadkładna ŭvieści čaćviorty i piaty sankcyjnyja pakiety suprać Łukašenki i jahonaha atačeńnia, piša «Radyjo Svaboda» sa spasyłkaj na BiełaPAN.
13.06.2021 / 10:15
Patoki nielehalnych mihrantaŭ ź Biełarusi «dasiahnuli histaryčnaha maksymumu», jak zajaviła premjer-ministarka Litvy Inhryde Šymanicie ŭ Vienie na sustrečy z kancleram Aŭstryi Siebaśćianam Kurcam. Pa słovach Šymanicie, režym u Biełarusi paabiacaŭ napoŭnić Eŭropu nielehałami, bo 26 traŭnia ŭ biełaruskich praŭładnych telehram-kanałach apublikavali paviedamleńnie z reakcyjaj Łukašenki na sankcyi krainaŭ Zachadu: «My spyniali narkotyki i mihrantaŭ — ciapier budziecie sami ich jeści i łavić».
Raniej pra intensiŭny patok nielehalnych mihrantaŭ ź Biełarusi zajaŭlali ministarka ŭnutranych spraŭ Litvy Ahnie Biłatajcie i prezydent krainy Hitanas Naŭsieda.
Na sustrečy ŭ Vienie Šymanicie zaklikała da ŭviadzieńnia EZ čaćviortaha pakietu sankcyj i biez pramarudžańnia — piataha. Siebaśćian Kurc padtrymaŭ zakliki Šymanicie.