Minskuju biełaruskamoŭnuju doktarku zatrymali pa kryminałcy za dopisy ŭ sacsietkach
Zatrymali minskaha stamatołaha-chirurha Elinu Novik. 15 červienia jana nie viarnułasia paśla dopytu.
16.06.2021 / 13:33
«Jaje vyklikali na dopyt jak padazravanuju pa kryminalnaj spravie za abrazu aficyjnaj asoby. I tam zatrymali na 72 hadziny. Pra heta paviedamiŭ advakat», — kažuć blizkija stamatołaha.
Spravu na jaje zaviali pa artykule 369 Kryminalnaha kodeksa. Nahodaj stali publikacyi ŭ sacyjalnych sietkach. Pa hetym artykule žančynu nie mohuć trymać pad vartaj bolš za troje sutak. 72 hadziny skončacca ŭ piatnicu kala 16-j hadziny.
Elina Novik sa Słuččyny. Jana pavažany śpiecyjalist u svajoj halinie, pryjom pacyjentaŭ viadzie pa-biełarusku.