«Да гэтага часу няма расследавання? Як жа так, прэзідэнт Пуцін?» У Жэневе з'явіліся тры білборды з пытаннямі Навальнага
У Жэневе ў дзень сустрэчы прэзідэнтаў Расіі і ЗША Уладзіміра Пуціна і Джо Байдэна з'явіліся тры білборды з пытаннямі да Пуціна аб атручэнні палітыка Аляксея Навальнага.
16.06.2021 / 16:13
— Навальны атручаны «Навічком»
— І да гэтага часу няма расследавання?
— Як жа так, прэзідэнт Пуцін?
Білборды размешчаны на той жа вуліцы, што і графіці з Навальным, якое некалькі дзён таму намаляваў мастак Джуліен Баро.
Плакаты ў Жэневе аформленыя ў стылі мастацкага фільма «Тры білборды на мяжы Эбінга, Місуры», у якім галоўная гераіня на трох рэкламных шчытах размясціла пытанні да мясцовага шэрыфа пра расследаванне забойства сваёй дачкі. Пасля выхаду фільма такі фармат з трох паслядоўных плакатаў, прысвечаных аднаму і таму ж пытанню, стаў часта выкарыстоўвацца ўдзельнікамі пратэсных акцый.