«Šukajuć, chto raskidaŭ vymazanyja fiekalijami partrety Łukašenki». Stała viadoma, čamu siłaviki prychodzili da śpiavački z-pad Žabinki
U Žabincy niekalki dzion tamu prajšoŭ pieratrus u miascovaj zorki Natalli Dyrman — zasnavalnicy narodnaha kalektyvu humaru i pieśni «Chmieleŭskija vałacuhi». Dyrman pryznavałasia «Čałaviekam hoda» ŭ halinie kultury na Bieraściejščynie, maje šmat uznaharod, maci traich dziaciej. Natallu navat zatrymali na 72 hadziny, ale paśla adpuścili. Ale što ž stała pryčynaj cikavaści siłavikoŭ da žančyny?
16.06.2021 / 16:26
Da Natalli pryjšli ź pieratrusam, bo ciapier pa ŭsioj Žabincy šukajuć ludziej, jakija raskidali pa horadzie partrety Łukašenki, vymazanyja fiekalijami.
«Našaj Nivie» raspaviali, što hetyja partrety raskidali daŭno, bolš za miesiac tamu. Ale ciapier šukajuć, chto zrabiŭ, chodziać da ŭsich aktyŭnych ludziej.
U Dyrman siłaviki zabrali telefon, bieła-čyrvony parason, vokładku na pašpart z Pahoniaj i knihu Paŭła Sieviarynca «Lublu Biełaruś».
Taksama padčas pieratrusu prahledzieli telefon jaje dački. Tam znajšli fota, dzie Natalla staić ź bieła-čyrvonym parasonam, pobač ludzi sa ściaham: bieła-čyrvona-bieły ściah z žabkaj na im. Telefon dačce addali, ale tuju fotku siłaviki spampavali sabie. I ŭ vyniku za jaje na Natallu skłali pratakoł za pikiet.
Ci budzie sud i kali jon budzie pa tym pratakole — pakul nieviadoma.