U Maładziečanskim rajonie muž kinuŭ u žonku nož — i atrymaŭ kryminalnuju spravu
Zdareńnie adbyłosia ŭ Krasnym. U dzień incydentu siamja była ŭ haściach, dzie mužčyna vypivaŭ.
17.06.2021 / 15:15
Fota RAUS Maładziečna
Viarnuŭšysia dadomu bližej da poźniaj nočy, jamu zachaciełasia praciahnuć zastolle — jon učyniŭ skandał z žonkaj, bo taja była suprać. Žančyna źviarnułasia ŭ milicyju i paprasiła ŭcichamiryć muža, jaki, pa słovach žančyny, padniaŭ na jaje ruku, piša «Rehijanalnaja hazieta».
Pryjechaŭ učastkovy. Haspadar sapraŭdy byŭ niecviarozy i pavodziŭ siabie ahresiŭna. Na kuchni milicyjanier ubačyŭ nož, jaki tyrčaŭ u ścianie.
Vyśvietliłasia, što muž kinuŭ nož u žonku. Toj utorknuŭsia ŭ ścianu. Za siamiejny skandał mužčynu pryciahnuli da administracyjnaj adkaznaści, a za pahrozu fizičnaj raspravy raspačata kryminalnaja sprava pa artykule 186 (Pahroza zabojstvam, pryčynieńniem ciažkich cialesnych paškodžańniaŭ abo źniščeńniem majomaści). Sankcyja artykuła praduhledžvaje da dvuch hadoŭ pazbaŭleńnia voli.
Cikava, što viarnuŭšysia dadomu paśla razhladu administracyjnaj spravy, mužčyna toj ža nočču znoŭ byŭ dastaŭleny ŭ milicyju za čarhovy siamiejna-bytavy skandał.