Dvoje maładziečancaŭ atrymali pa 15 i 25 sutak aryštu za niadzielnuju akcyju ŭ horadzie
Dvoje maładziečancaŭ atrymali pa 15 i 25 sutak aryštu za niadzielnuju akcyju ŭ horadzie la pomnika «Pakutnikam za volu i niezaležnaść Biełarusi», paviedamlaje Rehijanalnaja hazieta.
23.06.2021 / 13:02
Piotr Dyko — u šeraj majcy, Žanna Pilipčonak — u biełaj majcy z vyšyvankaj. Fota «Rehijanalnaja hazieta».
Piotr Dyko atrymaŭ 15 sutak aryštu, a Žanna Pilipčonak — 25 sutak.
Jašče ŭ dźviuch žančyn, u jakich byli niepaŭnahadovyja dzieci, u niadzielu adpuścili z addzialeńnia. Pra sudy nad imi pakul ničoha nieviadoma.
U niadzielu, 20 červienia, la pomnika «Pakutnikam za volu i niezaležnaść Biełarusi» ŭ Maładziečnie, pa mierkavańni supracoŭnikaŭ milicyi, prajšła niesankcyjanavanaja akcyja.
Ludziej, što znachodzilisia pobač, zatrymali milicyjaniery. U addzialeńnie milicyi taksama byli dastaŭleny dva karespandenty «Rehijanalnaj haziety», što znachodzilisia la pomnika.