Jeŭrasajuz całkam zabaraniŭ impart i tranzit naftapraduktaŭ ź Biełarusi. Pad sankcyjami taksama tytuń i abstalavańnie dla sačeńnia za ludźmi
udakładniena
JES uvioŭ siektaralnyja sankcyi suprać biełaruskich uładaŭ. Dakumient apublikavany. Siektaralnyja sankcyi całkam zabaraniajuć impart naftapraduktaŭ ź Biełarusi, a taksama ich tranzit praz terytoryju JES.
24.06.2021 / 18:00
Siarod inšych zabaronaŭ:
▪️ Zabarona impartu i ekspartu abstalavańnia i PZ dla sačeńnia za ludźmi ŭ internecie i pa telefonnaj suviazi.
▪️ Zabarona na doŭhaterminovaje kredytavańnie dziaržkampanij i raźmiaščeńnie kaštoŭnych papier z pahašeńniem bolš za 3 miesiacy.
▪️ Zabarona na prodaž i tranzit tytuniu i tytuniovych vyrabaŭ ź JES pakupnikam ź Biełarusi abo dla vykarystańnia ŭ Biełarusi.
▪️ Zabarona na pieradaču abo ekspart usich tavaraŭ i technałohij dvajnoha pryznačeńnia dla vajennaha vykarystańnia ŭ Biełarusi.
▪️ Zabaraniajecca pradastaŭlać finansavańnie abo finansavuju dapamohu dla nabyćcia technałohij padvojnaha pryznačeńnia dla vajennaha vykarystańnia ŭ Biełarusi.