Як у Мінску качанятаў даставалі з вадасцёку ВІДЭА
Неабыякавыя людзі і работнікі ДАІ выратавалі восем птушанятаў.
28.06.2021 / 20:47
Пра цікавы эпізод расказала мінскае ДАІ ў сваім тэлеграм-канале. У Партызанскае РУУС паступіла паведамленне: на праезнай частцы вуліцы Труса людзі спрабуюць дастаць качанятаў з вадасцёку.
Аднак самі зрабіць гэта не змаглі. На дапамогу прыйшлі камандзір узвода ДПС раённай ДАІ Уладзімір Герасіменя і інспектар Аляксандр Масько.
Разам з гараджанамі супрацоўнікам дарожнай міліцыі ўдалося выратаваць васьмярых птушанят.