Дзярждэп пакінуў у сіле рэкамендацыі амерыканцам не падарожнічаць у Беларусь

Дзярждэпартамент ЗША ў панядзелак пакінуў у сіле апублікаваныя раней рэкамендацыі амерыканскім грамадзянам не падарожнічаць у Беларусь.

29.06.2021 / 08:50

Пра гэта гаворыцца ў распаўсюджанай Дзярждэпам пісьмовай заяве, піша ТАСС.

У дакуменце падкрэсліваецца, што ў складзеным знешнепалітычным ведамствам спісе краін «28 чэрвеня Беларусь застаецца на чацвёртым узроўні — не падарожнічаць».

«Не падарожнічайце ў Беларусь з-за адвольнага прымянення законаў і рызыкі затрымання», — растлумачылі ў Дзярждэпартаменце, паказаўшы таксама і на сітуацыю вакол пандэміі.

«Беларусь прымяняе спецыяльныя абмежаванні ў дачыненні да грамадзян, якія маюць падвойнае амерыканскае і беларускае грамадзянства, і можа адмовіць у прызнанні падвойнага амерыканскага і беларускага грамадзянства, уключаючы адмову або затрымку ў прадастаўленні амерыканскай консульскай дапамогі затрыманым асобам з падвойным грамадзянствам», — сцвярджаецца ў дакуменце.