Зацверджаны пералік выпусных іспытаў у наступным годзе. Пакуль зменаў няма

Мінадукацыі зацвердзіла пералік выпускных іспытаў у 9-х і 11-х класаў у наступным 2021/2022 навучальным годзе, паведамляе БелТА.

29.06.2021 / 09:30

Дзевяцікласнікі, як і раней, будуць здаваць тры прадметы: дыктоўкі па беларускай і рускай мовах, а таксама кантрольную па матэматыцы.

Навучэнцы 11-х класаў, як і раней, напішуць пераказ па беларускай або рускай (на выбар), кантрольную па матэматыцы, вусна здадуць гісторыю Беларусі і замежную мову.

Для вучняў класаў, у якіх навучанне і выхаванне ажыццяўляюцца на мове нацыянальнай меншасці — польскай або літоўскай, разам з вучэбнымі прадметамі, абавязковай з'яўляецца польская або літоўская мова ў пісьмовай форме. Навучэнцам каледжа мастацтваў трэба будзе таксама здаць экзамен па адным з профільных прадметаў — у практычнай форме.