У аэрапорце затрымалі Таццяну Кузіну з Sympa — цяпер яна на Акрэсціна па крымінальнай справе
Учора на пашпартным кантролі ў мінскім аэрапорце затрымалі экспертку Таццяну Кузіну.
29.06.2021 / 10:00
Таццяна — экспертка даследчага праекта bipart, сябра Рады і сузаснавальніца школы маладых менеджараў публічнага адміністравання Sympa, паведамляюць праваабаронцы.
Вядома, што Таццяна збіралася ляцець начным рэйсам у Тбілісі.
Цяпер жанчына знаходзіцца ў ІЧУ на Акрэсціна. Яна затрыманая ў сувязі з завядзеннем крымінальнай справы.