Krynicy: Juryja Čyža vypuścili pad chatni aryšt
Dapoŭniena
Jak stała viadoma «Našaj Nivie», Juryj Čyž, jakoha aryštoŭvali ŭ sakaviku 2021 hoda, znachodzicca pad chatnim aryštam. Pra heta paviedamili dźvie nie źviazanyja miž saboj krynicy.
29.06.2021 / 17:52
Ciapier Čyž žyvie atočany niedabrazyčliŭcami i nie padtrymlivaje kantaktaŭ nie tolki z kolišnimi siabrami, ale navat z niekatorymi kroŭnymi svajakami.
Juryj Čyž — apalny bizneśmien, niekali blizki da ŭłady, jaki staŭ achviaraj intryh inšych caradvorcaŭ.
Jaho zatrymlivali ŭ sakaviku pa viartańni z Maskvy.
Juryj Čyž, fota Siarhieja Hudzilina
Razam z Čyžom byli zatrymanyja kiraŭniki niekalkich kampanij, jakija zastalisia ŭ bizneśmiena paśla razhromu jaho impieryi.
Pretenzii ŭ siłavikoŭ uźnikli da top-mieniedžmientu «Kvarckrejdaprama» — pradpryjemstva ŭ Małaryckim rajonie, jakoje zabiaśpiečvała krejdaj biarozaŭski zavod pa vyrabie budmateryjałaŭ (taksama naležyć Čyžu). Taksama nibyta zatrymany chtości z kiraŭnikoŭ «Danprada» — pradpryjemstva na Vałožynščynie, jakoje vyrablała śvininu.
Narešcie, pryjšli i ŭ «NaftaChimTrejdynh» — adzin z apošnich biznesaŭ Čyža, jaki paśpiachova praciahvaŭ pracavać. U sietki z 11 zapravak, try ź jakich znachodziacca ŭ Minsku, čatyry miesiacy tamu zabrali licenziju na prodaž paliva.
Jak viadoma «Našaj Nivie», sens spravy pierahukvajecca z raniejšaj kryminalnaj spravaj suprać Čyža ŭ 2016-m — kali jaho zatrymlivali pa padazreńni va ŭchileńni ad spłaty padatkaŭ i zboraŭ u asabliva bujnym pamiery.
Tady sprava da suda nie dajšła, bo Čyž pryznaŭ vinu i kampiensavaŭ škodu. Ale jak možna mierkavać, rachunak jamu vystavili niemały i raściahnuty ŭ časie. Stanam na 2021 hod jon nibyta zastavaŭsia vinny i dziaržavie, i biznes-partnioram, jakija spahaniali z Čyža daŭhi praz sud.
Ale Čyž pa abaviazacielstvach nibyta nie płaciŭ, chacia asobnyja jašče «žyvyja» jaho biznesy prynosili hrošy.
Dapoŭniena:
Paśla publikacyi naviny pra Čyža z Redakcyjaj źviazalisia jurysty «Rakaŭskaha brovara» i «Trajpła».
«My nie dajom nijakich kamientaroŭ z nahody zatrymańnia Juryja Alaksandraviča. Adzinaje, što možam skazać, — na hety momant jon pad chatni aryšt nie adpuščany», — pierakonvajuć jany.