З 1 ліпеня зрабіць тэст на каранавірус у мінскім аэрапорце стане даражэй
Лабараторыя тут будзе праводзіць толькі экспрэс-тэставанне. Мінздароўя тлумачыць гэта высокім попытам на паслугу.
30.06.2021 / 10:18
hh.com.ua
Кошт складзе:
— для беларусаў — 67 рублёў 43 капейкі;
— для замежнікаў — 85,2 руб.
Кошт даследавання з унясеннем выніку ў сістэму «Падарожнічаю без COVID-19»:
— для рэзідэнтаў Беларусі — 71,03 руб;
— для нерэзідэнтаў — 88,80 руб.
Каб здаць тэст, трэба будзе паказаць білет на самалёт і загадзя запісацца на minsksanepid.by.
Запіс адкрываецца на адзін дзень а 7-й раніцы штодня, пачынаючы з 4 чэрвеня.
Выдаюць вынікі даследавання пасля 11.00 па меры выканання, але не раней, чым праз 2 гадзіны ад моманту забору матэрыялу і афармлення дакументаў.