Eks-śledčamu Juškieviču vystavili abvinavačańni jašče pa dvuch artykułach
Byłomu śledčamu Jaŭhienu Juškieviču termin utrymańnia pad vartaj praciahnuli da 19 žniŭnia.
30.06.2021 / 16:15
Fota Nadziei Bužan
Juškieviča zatrymali ŭ krasaviku pa padazreńni ŭ «akcie teraryzmu». Jamu vystaŭlenyja novyja abvinavačańni pa dvuch kryminalnych artykułach: 342 («arhanizacyja, padrychtoŭka abo aktyŭny ŭdzieł u dziejańniach, jakija hruba parušajuć hramadski paradak» i 293 (masavyja biesparadki).
Ź Jaŭhiena, jaki znachodzicca ŭ SIZA-1 na Vaładarskaha, uziataja padpiska ab nievydavańni materyjałaŭ spravy, kab jon navat svaim sukamiernikam nie zmoh raspavieści, u čym jaho kankretna abvinavačvajuć, paviedamlajuć pravaabaroncy.