U supracoŭnikaŭ «Našaj Nivy» prajšli pieratrusy. Zatrymanyja čaćviora našych kaleh
U čaćvier 8 lipienia siłaviki pryjšli ŭ «Našu Nivu». Raskazvajem, što viadoma na hety momant.
23.07.2021 / 22:20
1. Siłaviki praviali pieratrus u kvatery, kudy pieryjadyčna prychodzili našaniŭcy. Taksama vobšuk adbyŭsia ŭ ofisie buchhałteryi «Našaj Nivy», jaho pravodzili supracoŭniki centralnaha aparata MUS.
2. Zatrymany hałoŭny redaktar vydańnia Jahor Marcinovič, u jaho doma adbyŭsia pieratrus. Pieratrus prajšoŭ i doma ŭ kiraŭnika adździeła rekłamy i markietynhu Andreja Skurko, u hałoŭnaha redaktara časopisaŭ «Naša historyja» i dziciačych «Dudu» i «Aściarožna: dzieci!» Andreja Dyńko, hałoŭnaha buchhałtara Volhi Rakovič. Usich pavieźli na dopyt. Jany prachodziać padazravanymi pa č.1 art. 342 KK (arhanizacyja ci padrychtoŭka dziejańniaŭ, jakija hruba parušajuć hramadski paradak, abo ŭdzieł u ich). Jany zatrymanyja na 72 hadziny i dystaŭlenyja ŭ IČU na Akreścina.
3. Reparciorka Natalla Łubnieŭskaja, a taksama fatohrafka Šura Pilipovič-Suščyc na voli. Jany znachodzilisia ŭ kvatery, kali pryjšli siłaviki, ale paśla pieratrusu ich adpuścili pad padpisku ab nierazhałošvańni.
4. Da Jahora Marcinoviča ŭ SK pryjazdžała chutkaja dapamoha.
5. Pieratrusy i dopyty supracoŭnikaŭ «Našaj Nivy» pravodziacca pa art.342 KK (arhanizacyja ci padrychtoŭka dziejańniaŭ, jakija hruba parušajuć hramadski paradak, abo ŭdzieł u ich), art. 293 KK (masavyja biesparadki). Pieratrusy pravodzili supracoŭniki roznych upraŭleńniaŭ orhanaŭ unutranych spraŭ, dopyty prachodziać u SK.