Трымайце суботні рэцэпт смачнага і простага гарбузовага супу ад журналісткі і гастраблогеркі Марыі Грыц
Часта выпадае чуць, што людзі не любяць гарбуз. Але пачакайце, што з гарбуза вы не любіце?
25.07.2021 / 19:38
«У маёй скарбонцы ёсць такі суп, які ну дакладна ўпадабае нават самы зацяты гарбузанелюбіўца!
Бераце гарбуз, разразаеце на кубікі і варыце ў вадзе да мяккасці. Потым зліваеце ваду, таўчэце гарбуз у кашу, дадаяце часнык (перад тым прапусціўшы яго праз часныкаціскалку), соль, перац, салатныя крэветкі. І заліваеце ўсё гэта 10%-мі вяршкамі. Хай закіпіць, і гатова!
Нават без крэветак атрымаецца чароўна, а з імі — увогуле язык праглыняце.
Ешце смачна ворагам на злосць!»