Віцябчук з нажом накінуўся на жонку і дачку-немаўля. Дзяўчынка загінула
Трагедыя здарылася вечарам у панядзелак. Паміж 32-гадовым мужчынам і яго 31-гадовай жонкай адбыўся канфлікт.
27.07.2021 / 15:25
Мужчына ўзяў кухонны нож, ударыў жонку і дачку, а сам сышоў з месца здарэння, паведамляе СК.
Жанчына паспела выклікаць хуткую, іх шпіталізавалі. Аднак немаўля выратаваць не ўдалося.
Дзяўчынцы быў усяго месяц. Маці ў рэанімацыі.
Мужчына затрыманы, ён быў у стане алкагольнага ап’янення.