«Jość dypłamatyčnyja składanaści». U Biełarusi zabrali jašče adzin spartyŭny čempijanat
Minsk nie zmoža pryniać najbujniejšaje spabornictva pa spartyŭnaj chadzie ŭ 2022 hoda. Kamandny čempijanat śvietu pieraniesieny ź Biełarusi ŭ Aman.
29.07.2021 / 01:01
Fota z «Vikipiedyi»
Pra Biełaruś u zajavie «Suśvietnaj lohkaatletyčnaj asacyjacyi» paviedamlajecca, što «jość dypłamatyčnyja składanaści i isnujuć prablemy z padarožžami ŭ hetuju krainu».
Biełaruś atrymała prava pravieści hety čempijanat jašče ŭ 2017 hodzie. Pieršapačatkova płanavałasia, što jon projdzie ŭ 2020 hodzie, adnak z-za pandemii kamandny čempijanat śvietu byŭ pieraniesieny na dva hady.
Nahadajem, raniej Biełaruś pazbavili jašče niekalkich spartyŭnych spabornictvaŭ, samym važnym ź jakich byŭ Čempijanat śvietu pa chakiei.