MAK pazbaviŭ akredytacyj i vysyłaje pradstaŭnikoŭ biełaruskaj delehacyi Artura Šumaka i Juryja Maisieviča

U sieradu, 4 žniŭnia, MAK adkryŭ dyscyplinarnuju spravu nakont biełaruskaj lohkaatletki Kryściny Cimanoŭskaj. Kamisija rasśledavała dziejańni dvuch členaŭ biełaruskaj delehacyi: pradstaŭnika kamandy Artura Šumaka i hałoŭnaha treniera lohkaatletyčnaj zbornaj Juryja Maisieviča. U vyniku MAK adklikaŭ akredytacyi ŭ Šumaka i Maisieviča, paviedamlaje Presboł.

06.08.2021 / 07:59

Juryj Maisievič

«U intaresach dabrabytu spartsmienaŭ NAK Biełarusi, jakija ŭsio jašče znachodziacca ŭ Tokia, i ŭ jakaści časovaj miery MAK pazbaviŭ akredytacyj Artura Šumaka i Juryja Maisieviča. Byŭ padadzieny zapyt, kab abodva treniery nieadkładna pakinuli alimpijskuju viosku, i jany heta zrabili. Im budzie dadziena mahčymaść być pačutymi», — havorycca ŭ paviedamleńni pres-słužby MAK.